4.白目情人夢
The White Eyed Honey
作曲：A匡
作詞：武雄
編曲：陳韋燁
吉他：李庭匡
和聲：陳瑋儒、陳韋燁
彼年去﹙聯誼﹚熟識的時 妳的黑目睭是閃閃熠
妳講足欣賞我有夠古意 希望會當甲我換﹙妹喜﹚
彼暝我決定欲去找妳 才知恁公司是做什麼
坐惦妳身邊看到妳的﹙36G﹚ 害我鼻血險險流袂離
白目的﹙哈妮﹚ 妳有夠臭屁 為何欲故意來甲我創治
我問妳約妳出去外濟錢 妳竟然 笑我付袂起
彼工去找妳妳並無﹙happy﹚ 紅紅的目睭內足稀微
妳講恁媽媽又入去住院 厝內剩一個﹙秀逗﹚的小弟
妳勸我不通不通愛妳 妳是歹命人煙花女兒
只要我有閒三不五時來陪你 隨在我按怎免收錢
白目的﹙哈妮﹚ 我真正生氣 無睬妳是彼呢有情有義
現實的人生一切嘛得錢 無拿錢 妳怎樣過日子
妳將妳的人交代乎我﹙嗷～﹚ 我將我的錢來交乎妳
朋友攏罵我會乎人(剝皮﹚ 但是我感覺﹙沒問題﹚
妳叫我乖乖﹙等妳的消息﹚ 我也真耐心並無懷疑
誰知我昨ㄤ打開阮兜的電視機 才知影妳攏咧扮戲
白目的﹙哈妮﹚ 我真正愛妳 但是妳談戀愛是有﹙秘笈﹚
等我將我的一切交乎妳 才知影 發生啥代誌
等我將我的一切交乎妳 才知影 我是架北七
才知影 癡情無值錢
| 
